சோனா பரீயா பாடல் வரிகள் - புதிரா ? அபத்தமா ??

வெளியான ஓரிரு வாரங்களுக்குள்ளாகவே பட்டி தொட்டி எங்கும் ஒலிக்க தொடங்கி விட்டன மரியான் பாடல்கள். 

90 களில் கேட்ட ரஹ்மான் இசை பின் நாட்களில் கேட்க முடியாமல் போய் விட்டது என்பது ரஹ்மான் ரசிகர்களின் பரவலான கருத்தாக இருந்து வந்தது. அந்த கருத்திற்கு முற்றுப் புள்ளி வைப்பது போல மரியான் பாடல்கள் அனைத்தும் அவரது ஆரம்ப கால இசை தரத்தில் வந்துள்ளன. 

பாடல் இசை நிச்சயமாக சூப்பர் என்றாலும், வரிகள் ஏனோ புரிய மறுக்கின்றன. சோனா பரியா பாடல் வரிகளை கேட்கும் போது ஏதோ கண்டதையும் எழுதி கொட்டியது போல உள்ளது.

ஒரு வேலை திரையில் பின்னணி காட்சிகளுடன் பார்க்கும் போது புரியலாம். அப்படியும் புரியாமல் போனால் இது பாமரனுக்கு புரியாத ரகம் என்றோ இது தான் லேட்டஸ்ட் ட்ரெண்டு என்றோ நமக்கு நாமே சமாதனம் செய்து கொள்ள  வேண்டியது தான். 

சோனா பாரியா வரிகளை இங்கு உங்களுடன் பகிர்ந்து கொள்கிறேன். உங்களுக்காவது புரிகிறதா என்று கொஞ்சம் பாடி பாருங்கள்!


ஒஹ் யேஹ் ஓயல, எந்த நாளும் ஓயல்ல
என்ன படிச்சவன் கொடு துங்கை ஓயல (2)
ஒஹ் யேஹ் ஓயல, எங்க வேல காயல 
நீ சொக்கும்படி சிரிச்ச நீ சோனா பரியா 

சோனா பரீயா... சோனா பரியா, 
சோனா பரீயா.. தானா வாரரியா (2)

ஒஹ் யேஹ் ஓயல, எந்த நாளும் ஓயல்ல 
என்ன படிச்சவன் கொடு துங்கை ஓயல
ஒஹ் யேஹ் ஓயல, எங்க வேல காயல 
நீ சொக்கும்படி சிரிச்ச நீ சோனா பரியா 

***

பத்து காலு நண்டு பார்த்தது சோனா பரியா 
அது செத்து சுண்ணாம்பாய் போயி 
ஒத்த காலில் நிக்குதடி 

முத்துக் குளிக்கும் பீட்டரூ சோனா பரியா 
அவன் காய்ஞ்சி கருவாடா போயி 
குவாட்டருல முங்கிட்டானே.... 

அந்தரீயே சுந்தரீயே சோனா பரியா 
மந்திரியே முந்துரியே சோனா பரியா 
அந்தமெல்லாம் சிந்துரீயே சோனா பரியா 

சோனா பரீயா... சோனா பரியா, 
சோனா பரீயா.. நீ தானா வாரரியா... (2)

***

ஓயல ஓயல... சோனா பரி யாரோ... 
ஓயல... ஓயல(2)
ஓயல யல...

கண்ணுல கப்பல்... ஓயல 
நெஞ்சுல விக்கெல்லு... ஓயல 
கையில நிக்கேல்லா.. ஓயல 
உன் நடையில நக்கலா.. ஓயல 
ஓயல... ஓயல...

சிற்பிக்குள முத்து, கப்பலுல வச்சாம் 
மிச்சம் மிச்சம் வச்சோம் 
முத்த முத்த எடுத்து சிக்கி சிக்கியா 
ஹா... மதி சிக்கி கிச்சா நெஞ்சு விக்கி கிச்சா மச்ச வச்ச மிச்சம்

***
 ஒத்த மரமா எத்தன காலம் சோனா பரியா 
கடலுல போன கட்டுமரமில்ல 
இப்ப கரைதான் யேரிடுச்சே ஆமா..

அத்த மகனும் மாமன் மகனும் சோனா பரியா 
இவன போல கடலின் ஆழம் 
எவனும் கண்டதில்ல தானே..

நெஞ்சுக்குள்ள நிக்குறியே சோனா பரியா 
மீனு முள்ளா சிக்குறியே சோனா பரியா 
கெஞ்சும் படி வைக்குறியே சோனா பரியா 

சோனா பரீயா... சோனா பரியா, 
சோனா பரீயா.. நீ தானா வாரரியா... (2)

ஒஹ் யேஹ் ஓயல, எந்த நாளும் ஓயல்ல 
என்ன படிச்சவன் கொடு துங்கை ஓயல
ஒஹ் யேஹ் ஓயல, எங்க வேல காயல 
நீ சொக்கும்படி சிரிச்ச நீ சோனா பரியா 

2013 இல் இதுவரை வெளிவந்த பாடல்களின் தரவரிசை

07. அழகோ அழகு - சமர் 
வழமையான யுவன் டச் தெரிந்தாலும், தெளிவான குரலும் அதை கெடுக்காத இசையும் ரசிக்க வைக்கின்றன. யுவன் ரசிகர்களுக்கு ஆதி பகவன் கடுப்பை கொடுத்தலும் சமர் பாடல் ஆறுதல் தருகிறது. விசுவலாகவும்  இந்த பாடல் சிறப்பாக அமைந்தமை கூடுதல் பலம்.

06. நறுமுகையே - சுண்டாட்டம்
தொடக்க வரிகள் மற்றும் பின்னணி இசையில் இந்த பாடல் அதிகம் ஸ்கோர் செய்து விடுகிறது. முதல் படத்திலேயே அடிக்கடி முனுமுனுக்க வைக்கும் படலை தந்தமைக்கு இசை அமைப்பாளருக்கு ஒரு பொக்கே தரலாம்.

05. அவத்த பையா - பரதேசி 
வித்தியாசமான சேலஞ்சிங் ஆன கதை களம். எந்த போர்மட் இசை பொருந்தும் என்று அனுமானிக்க முடியாத நிலையில் GV இன் கற்பனை ரொம்பவும் சூப்பர்.

04. வெளிச்ச பூவே - எதிர் நீச்சல் 
பிரகசாமான எதிர் காலம் தெரிகிறது அனிருத்திடம். 20 வயதில் அவருக்கு இருக்கும் ரசிகர் கூட்டம் பிரம்மிக்க வைக்கிறது. எதிர் நீச்சல் அனைத்து பாடல்களும் பிரம்மாதம் என்றாலும், வெளிச்ச பூவே நெஞ்சில் நின்று பிடிக்கிறது.

03. உன்னை காணாத நான் - விஸ்வரூபம் 
கமல் சொந்த குரலில் பாடிய பாடல்களை பிடிக்காதவர்கள் அரிது. அந்த வரிசையில் கமல் கமகம் பாடி தொடங்கி வைக்கும் இந்த பாடலும் இனிமையாக இருக்கிறது. திரையில் கமல் காட்டும் நளினங்களும் சங்கர் மகாதேவனின் bass voice உம் இணையும் போது, மிளகுடன் தேன் கலந்து சாப்பிட்டது போல உள்ளது.

02. மூங்கில் தோட்டம் - கடல் 
இவ்வளவு ஸ்லா மெலடி மக்கள் மத்தியில் எடு படுமா என்று தயங்காமல் ரஹ்மான் செய்த முயற்சி. கேட்க கேட்க பிடித்து போகிறது இந்த பாடல். சமீபத்தில் விஜய் டிவி யில் இந்த பாடலின் ஒரிஜினல் சிங்கர்ஸ் (ஹரிணி, Male வாய்ஸ் பெயர் தெரியவில்லை) பாடிய போது இன்னமும் புலப்படாத இனிமை இதில் இருப்பதாக தோன்றியது.

01. கடல் ராசா - மரியான் 
மீண்டும் ரஹ்மான்! ரஹ்மான் இசையுடன் கால சக்கரத்தை ஓட்டி செல்லும் என் போன்ற ரசிகர்களுக்கு ரஹ்மான் வைத்த மற்றுமொரு விருந்து. யுவன் குரலில் ரஹ்மான் பாதிப்பு இருப்பதாக நினைத்து இருந்தேன். இப்போது ரஹ்மான், யுவனே இனைந்து பாடி இருப்பதால் மனம் கொஞ்சம் துள்ளி குதிக்கிறது.


இந்த வருடத்தின் முதல் 6 மாதத்தில் வெளி வந்த படங்களில் என்னை பொறுத்த வரை இவை மிக சிறப்பாக வந்துள்ளன. எஞ்சியுள்ள 6 மதங்களில் இந்த ரேட்டிங் மாறுகிறத என்று பொறுத்திருந்து பார்க்கலாம்.